၂၀၁၅ ခုနှစ် ပါတီစုံ ဒီမိုကရေစီ အထွေထွေရွေးကောက်ပွဲ မတိုင်မီ နိုင်ငံတော်သမ္မတ ပြောကြားသည့် ရွေးကောက်ပွဲဆိုင်ရာ မိန့်ခွန်း

(၇-၁၁-၂၀၁၅)

မဲဆန္ဒရှင် ပြည်သူများ ခင်ဗျား-

နိုဝင်ဘာလ (၈) ရက်နေ့မှာ ကျင်းပမယ့် အထွေထွေ ရွေးကောက်ပွဲကြီးဟာ ကျွန်တော်တို့ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်တွေ အရှိန်မြှင့် ရှေ့ဆက်နိုင်ဖို့အတွက် အရေးကြီးတဲ့ သမိုင်းဝင် ခြေလှမ်းတစ်ခု ဖြစ်ပါတယ်။

မဲဆွယ်စည်းရုံးရေး ကာလတွေမှာ ဥပဒေ၊ နည်းဥပဒေတွေနဲ့ ကျင့်ဝတ်စည်းကမ်းတွေကို လေးစားလိုက်နာကြပြီး မဲဆွယ် စည်းရုံးမှုတွေ ပြုလုပ်ခဲ့ကြတဲ့ နိုင်ငံရေးပါတီများ၊ ကိုယ်စားလှယ်လောင်းများကို ဝမ်းမြောက်ဂုဏ်ယူကြောင်း ပြောလိုပါတယ်။ ထို့အတူ ပြည်သူများ အနေနဲ့လည်း ကိုယ်ထောက်ခံအားပေးတဲ့ ပါတီများ၊ ကိုယ်စားလှယ်လောင်းများကို ငြိမ်းငြိမ်း ချမ်းချမ်း ထောက်ခံအားပေးမှုများ ပြသဆောင်ရွက်ခဲ့ကြတဲ့အတွက်လည်း ဝမ်းမြောက်ဂုဏ်ယူကြောင်း ပြောကြားလိုပါတယ်။

ရွေးကောက်ပွဲကြီးမှာ မဲဆန္ဒရှင်ပြည်သူများ ဆန္ဒမဲ ပေးပိုင်ခွင့်ကို ထိရောက်စွာ ကျင့်သုံးနိုင်ဖို့ ဝိုင်းဝန်း ကူညီဆောင်ရွက်နေကြတဲ့ အရပ်ဘက် လူ့အဖွဲ့အစည်းများရဲ့ ကြိုးပမ်း အားထုတ်မှု ကိုလည်း ဂုဏ်ယူအသိအမှတ်ပြုကြောင်း ပြောကြားလိုပါတယ်။ အထူး သဖြင့် မဲဆန္ဒရှင် ပြည်သူများအတွက် ရွေးကောက်ပွဲဆိုင်ရာ ပညာပေးလုပ်ငန်းများကို အားထုတ် လုပ်ဆောင် ပေးနေကြတဲ့ လူငယ် အဖွဲ့အစည်းများနဲ့ အရပ်ဘက် လူ့အဖွဲ့အစည်းများရဲ့ ကြိုးပမ်း အားထုတ်မှုကို အထူး အသိအမှတ်ပြုအပ်ပါတယ်။

ရွေးကောက်ပွဲလုပ်ငန်းစဉ် အဆင့်အဆင့်မှာ မြန်မာလူငယ်များရဲ့ တက်ကြွစွာ ပူးပေါင်း ဆောင်ရွက်မှုများကို မြင်တွေ့ရတာ ဟာလည်း တိုင်းပြည် အနာဂတ်အတွက် အလွန် ကောင်းမွန်တဲ့ လက္ခဏာ တစ်ခုပဲ ဖြစ်ပါတယ်။

မဲဆန္ဒရှင် ပြည်သူများအနေနဲ့လည်း ရွေးကောက်ပွဲမှာ ဝင်ရောက်ယှဉ်ပြိုင်နေကြတဲ့ ကိုယ်စားလှယ်လောင်းတွေရဲ့ အရည်အချင်းနဲ့ အရည်အသွေးတွေကို ဆန်းစစ်ပြီး ဆန္ဒမဲပေးဖို့ အဆင်သင့် ဖြစ်နေပြီလို့ ယုံကြည်ပါတယ်။ ကျွန်တေ်ာတို့အနေနဲ့ လက်ရှိ အနေ အထားကို ရောက်ရှိဖို့ ခက်ခဲတဲ့ သမိုင်း ဖြတ်သန်းမှုများကို ကျော်လွှား ရင်ဆိုင် ခဲ့ရပါတယ်။ ဒီလိုရွေးကောက်ပွဲကြီးကို ကျင်းပနိုင်ဖို့ ဆိုတာဟာ အလွယ်တကူ ရရှိလာတဲ့ အခြေအနေ မဟုတ်ပါဘူး။ ဒါကြောင့် နိုင်ငံရဲ့ ကံကြမ္မာကို ပြဋ္ဌာန်း သတ်မှတ် တဲ့ ရွေးကောက်ပွဲတွေ၊ အထူးသဖြင့် ယခု အပြောင်းအလဲကာလအတွက် အရေးကြီးတဲ့ ရွေးကောက်ပွဲမျိုးမှာ မဲဆန္ဒရှင်ပြည်သူ များအားလုံး မဲပေးကြဖို့ ကျွန်တော့်အနေနဲ့ အလေးအနက် တိုက်တွန်းလိုပါတယ်။ မဲစာရင်းမှာ လိုအပ်ချက်တွေ ရှိနေပေ မယ့် ရွေးကောက်ပွဲနေ့မှာ မဲပေးခွင့် မဆုံးရှုံးစေဖို့လည်း စီစဉ်ဆောင်ရွက်ထားတယ်လို့ ရွေးကောက်ပွဲ ကော်မရှင် ကလည်း ကြေငြာ ထားပြီးသား ဖြစ်ပါတယ်။ မဲဆန္ဒရှင် ပြည်သူ များအနေနဲ့လည်း မိမိတို့ရဲ့ ဆန္ဒမဲများကို ထိရောက်မှု ရှိစေဖို့ ရွေးကောက်ပွဲ ကော်မရှင် က ထုတ်ပြန်ကြေညာထားတဲ့ နည်းလမ်းတကျ မဲပေးနည်းအဆင့်ဆင့်ကို ဂရုတစိုက် လိုက်နာ ကျင့်သုံးကြဖို့ တိုက်တွန်းလိုပါတယ်။

ကျွန်တော်တို့ အစိုးရအနေနဲ့လည်း တပ်မတော်သားများ၊ ပြည်သူ့ဝန်ထမ်းများ အပါအဝင် ဆန္ဒမဲပေးပိုင်ခွင့်ရှိတဲ့ ပြည်သူ တစ်ယောက်စီတိုင်း လွတ်လပ်စွာ မဲပေးခွင့်ရဖို့ ကြိုးပမ်း ဆောင်ရွက်ထားကြောင်းကိုလည်း အသိပေး ပြောကြားလိုပါတယ်။

ဒီရွေးကောက်ပွဲကြီးမှာ နိုင်ငံရေးအင်အားစုအားလုံး လွတ်လပ်တရားမျှတစွာ ပါဝင် ယှဉ်ပြိုင်နိုင်ခွင့် ရရှိနိုင်စေရေးအတွက် လွတ်လပ်သော အရပ်ဘက် လူမှုအဖွဲ့အစည်းများ၊ နိုင်ငံတကာ အဖွဲ့အစည်းများကို လေ့လာစောင့်ကြည့်ခွင့်ပြုခြင်းနှင့် သတင်း မီဒီယာများကို သတင်းရယူနိုင်အောင် ဆောင်ရွက်လျက်ရှိပြီး လက်ရှိမှာ စုစုပေါင်းဦးရေ သောင်းချီ ခွင့်ပြုထားပြီး ဖြစ်ပါတယ်။

ကျွန်တော် ရေဒီယိုမိန့်ခွန်းမှာ ပြောကြားခဲ့သလိုပါပဲ ကျွန်တော်တို့ နိုင်ငံရဲ့ လက်ရှိ အခြေအနေအရ အစစအရာရာ ပြီးပြည့်စုံ တဲ့ ရွေးကောက်ပွဲတစ်ခုကို ကျင်းပပြုလုပ်နိုင်ဖို့ အတွက် စိန်ခေါ်မှုတွေ၊ အခက်အခဲတွေဟာ နေရာတိုင်းမှာ ရှိနေတာ ဖြစ်ပါတယ်။ ဒါပေမယ့် ဒီရွေးကောက်ပွဲဟာ တရားမျှတပြီး လွတ်လပ်တဲ့ ရွေးကောက်ပွဲတစ်ခုဖြစ်ပြီး မဲဆန္ဒရှင် ပြည်သူများရဲ့ ဆန္ဒ သဘောထား ကို မှန်ကန်စွာ ထင်ဟပ်ပြသနိုင်မယ်လို့ ခိုင်မာစွာ ယုံကြည်ပါတယ်။ ဝင်ရောက်ယှဉ်ပြိုင်ကြတဲ့ နိုင်ငံရေး အင်အားစုများ အားလုံး အနေနဲ့လည်း မဲဆန္ဒရှင်ပြည်သူများရဲ့ အဆုံးအဖြတ်ကို တညီတညွတ်တည်း သဘောထား ကြီးကြီး လက်ခံကြရမှာ ဖြစ်ပါတယ်။

       

ထွက်ပေါ်လာမယ့် ရွေးကောက်ပွဲ ရလဒ်များအပေါ် လေးစားလိုက်နာမှုနဲ့ ပတ်သက်ပြီး စိုးရိမ်ပူပန်မှုများ ရှိနေတယ်လို့လည်း သိရှိရပါတယ်။ ကျွန်တော်တို့ အစိုးရ၊ တပ်မတော် အနေနဲ့ တရားမျှတလွတ်လပ်တဲ့ ရွေးကောက်ပွဲများရဲ့ရလဒ်ကို လေးစား လိုက်နာ သွားမည် ဖြစ်ကြောင်းကို ထပ်မံပြောကြားလိုပါတယ်။ ရွေးကောက်ပွဲ ရလဒ်များနဲ့ အညီ နိုင်ငံရေး အခင်းအကျင်းသစ်ကို အတူ လက်တွဲ ပုံဖေါ်ဖန်တီး ဆောင်ရွက်သွားကြရမှာ ဖြစ်ပါတယ်။

ကျွန်တော်တို့နိုင်ငံရဲ့ လက်ရှိ ဖွဲ့စည်းပုံအခြေခံဥပဒေအရ မဲဆန္ဒရှင် ပြည်သူများ ရွေးချယ် တင်မြှောက်လိုက်တဲ့ ပြည်ထောင်စု လွှတ်တော် ကိုယ်စားလှယ်များဟာ အစိုးရအဖွဲ့ကို ဦးဆောင်မယ့် သမ္မတလောင်းများကို ပြည်သူလူထုကိုယ်စား ဆက်လက် မဲပေး ရွေးချယ် သွားကြမှာ ဖြစ်ပါတယ်။ ဒီလို ရွေးကောက်ပွဲ ရလဒ်များနဲ့ ဖွဲ့စည်းပုံ အခြေခံ ဥပဒေ အရ ပေါ်ပေါက်လာမယ့် အစိုးရ အဖွဲ့ကို ကျွန်တော့်အနေနဲ့ လက်ခံသွားမှာ ဖြစ်ပြီး နိုင်ငံရေး အင်အားစု အသီးသီးရဲ့ ခေါင်းဆောင်များ အနေနဲ့လည်း လေးစား လက်ခံသွားကြမယ်လို့ ယုံကြည်ပါတယ်။

ရွေးကောက်ပွဲအပြီး ကြားကာလ တည်ငြိမ်အေးချမ်းမှု ရှိစေဖို့အတွက်လည်း နိုင်ငံရေး အင်အားစုများမှ ခေါင်းဆောင်များနဲ့ တွေ့ ဆုံ ဆွေးနွေး အဖြေရှာသွားမှာ ဖြစ်ပါတယ်။ ဒီနိုင်ငံရေး တွေ့ဆုံ ဆွေးနွေးပွဲများကလည်း ကြားကာလ တည်ငြိမ်အေးချမ်းမှု နဲ့ နိုင်ငံရေး အခင်းအကျင်းသစ်ကို ချောမွေ့ ညင်သာစွာ အသွင်ကူးပြောင်းစေဖို့ များစွာ အထောက် အကူပြုသွားမှာ ဖြစ်ပါတယ်။

ကျွန်တော်တို့ အားလုံး မျှော်မှန်းနေတဲ့ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ မြန်မာနိုင်ငံတော်သစ်ကို တည်ဆောက်တဲ့နေရာ မှာ ခရီးရှည်ကြီးကို အားလုံးအတူ ဖြတ်သန်းကြရဦးမှာ ဖြစ်ပါတယ်။ အနာဂတ်မှာလည်း ရွေးကောက်ပွဲပေါင်း များစွာကို ဖြတ်သန်း ပြီး နိုင်ငံရေး ဖြစ်ထွန်း တိုးတက်မှု အဆင့်ဆင့်ကို တည်ဆောက်သွားကြရမှာ ဖြစ်ပါတယ်။ ဒီလို အဆင့်ဆင့် တက်လှမ်းရာမှာ ယခု ကျင်းပတော့မည့် သမိုင်းဝင် ရွေးကောက်ပွဲကြီးကို လွတ်လပ်ခြင်း၊ မျှတခြင်းဆိုတဲ့ ဝိသေသတွေနဲ့ အောင်မြင်စွာ ကျင်းပနိုင်မှ သာ ပြုပြင်ပြောင်းလဲမှုများ ရှေ့ဆက်နိုင်မယ့် နိုင်ငံရေး အခင်းအကျင်းသစ် တစ်ခုကို တည်တည်ငြိမ်ငြိမ် ကူးပြောင်းနိုင်မှာ ဖြစ်ပါ တယ်။ ဒါကြောင့် ဒီလိုမြန်မာနိုင်ငံ အနာဂတ်အတွက် အရေးကြီးပြီး ကမ္ဘာကြီးကလည်း စောင့်ကြည့်နေတဲ့ ရွေးကောက်ပွဲကြီး မှာ နိုင်ငံရေးခေါင်းဆောင်များ အနေနဲ့ အမြော်အမြင်ရှိရှိ သဘောထားကြီးကြီးနဲ့ နိုင်ငံရေး ရွေးချယ်မှုများ ပြုလုပ်ဖို့နဲ့ ပြည်သူ များမှလည်း မိမိတို့ရဲ့ ဆန္ဒမဲတစ်ပြားကို လွတ်လပ်စွာ ဆန္ဒပြုကြဖို့ တိုက်တွန်းလိုက်ပါတယ်။

မဲဆန္ဒရှင် မိဘပြည်သူများ စိတ်၏ချမ်းသာခြင်း၊ ကိုယ်၏ကျန်းမာခြင်းနှင့် ပြည့်စုံကြပါစေ။